كلمتكم من كم يوم عن "twitter" ،واكيد مازلت أدعوكم انكم تجربوا هالعالم ، ومازلت اتمنى ان منتدياتنا تدخل فيه ، واتوقع انه للمنتديات بتستفيد من هالخاصيه اكثر من الاشخاص . على سبيل المثال انا الحين عندي صفحة في تويتر ، وأدور على تجمعات عمانيه للأسف العدد جدا محدود . وانا ابحث في الموقع صادفت صفحة (عمانتل) وصفحة ثانيه ل ( عمان للإبحار) بس الي لفت نظري صفحة
( oman tourism) وعليها شعار الهوية التسويقية للسلطنة ، ليش ياترى ؟!
لأننا كلفّنا شركة " سنغافورية " تتولى تسويق السلطنة سياحياً ، والي يزيدك غم ، ان في صفحة ( السياحة في عمان) تشوف بيانات من ضمنها :
اما بالنسبه للموقع الجغرافي ومكان التواجد : حاطين ( سنغافورة )!!!!!!
دار راسي ، سنغافورة وتسويق السياحة في عمان ؟!! . قررت اني احل الفزورة . اتضح لي ان الشركة الاستشارية الي تقدم لنا استراتيجيات تسويق السياحة لعمان اسمها stellarcg ، واكيد الموقع الموضح اعلاه ماله علاقه بعمان ، يعني هو تسويق اكبر للشركة منه لعمان ، لأنها الظاهر تتولى تسويق اماكن ثانيه ، بس على الأقل يكون التسويق للسلطنة من خلال موقع الكتروني فيه على الاقل اسم السلطنة بدل ماحاطين فيه اسم الشركة السنغافورية ! طيب على الاقل اذا ماتقدروا تحطوا موقع فيه اسم السلطنة ما عليه ، على الاقل البيانات في صفحه "تويتر" يكون فيها شي عن عمان غير اسمها الي في الواجهه . يعني الاجنبي يدخل صفحة ( السياحة في عمان ) وبعدين ينصدم يشوف ان مكان ادارة هالصفحة مكتوب عليه : سنغافورة !!!!!!
اظن ان الصورة اكبر دليل ، يعني الشركة ما حد يتابعها ؟!، جالسه تروّج لنفسها اكثر مما انها تروج لعمان والسياحة .
الله يعينا على ما ابتلانا ، ناس ترّوج لنفسها بفلوسنا واحنا نايمين في العسل ، رمّوا الفلوس وخلاص ، اقلّها حد يدخل الموقع يشوف البيانات الي حاطينها ، بالله عليكم من بيزور عمان ،لما يشوف هالبيانات المغلوطة ، وهالكوكتيل سنغافورة وعمان ، والله بيعذّر عن هالسياحة ومابيجيكم .
تفاصيل الصورة :
إلتقاط : مسقطية الهوى من موقع تويتر
