السبت، 22 أغسطس، 2009

خوزوا عنه ..


ارحموووونا الله يخليكم ...



رسوم متحركة وثلاثية الابعاد وصامتة بعد !!



يعني اصعب انواع الكوميديا انك تضحك احد بدون كلام . وكأن اخواننا تخطوا هالمرحلة وشبعونا ضحك برسوم متحركة ناطقة . يالله على هالقفزات الجمبازية ، ما نقدر عليكم ،خوزوا عنه ...



قلت اشوف عيد وسعيد ، يمكن احد يفهم اللعبه ويبدع . وكأن احد محرم علينا نطلع من الجرة . ليش ياربي ؟! لو كان فيني الضغط لرتفع ، بس الله يديم الصحة . من اول الحلقه بغيت اغصب نفسي واضحك ما قادرة . ولا الاصوات ، غير شكل ، لو اكتفوا بالمؤثرات الموسيقية ارحم من اصوات البغمان ، طول الحلقة :

عيد : أيييي ، اااااهههه ، اوووو ، لوووو

سعيد : بوووو ,وووو



خسف يخسف بالخسوف ، ولا اقول ما تنزادوا اكثر ...


" اكيد في ناس بتقول مسقطية الهوى ، كله بس تنتقد وما عاجبنها شي ، وانا ياجماعة الخير احاول اعبر عن رأيي ، بالفعل اظن هالقفزة لإنتاج رسوم متحركة صامتة وثلاثية الابعاد بعد ، هي " شبحة " كبيرة ، لو مشينا بخطوات على قدرنا وشوي شوي نكبر، على ايش هالنقزة ؟ احنا راضين بشي بسيط ، بس على الاقل لو كوميدي يضحكنا . وكله كوم واغلب الطاقم من قوم حمص ومتبل ، لا ما اعتبر هالعمل عماني خالص ، اذا كان اول اسم تشوفه في المقدمة ، طوني وميشيل وربعهم . عندنا شباب وبنات احسن منهم مليون مرة وفيهم البركة والهمة"


تفاصيل الصورة :
إلتقاط : مسقطية الهوى
السبت 22-8-2009