الاثنين، 7 سبتمبر 2009

الحكومية بس !

خبر قرأته للتو عبر موقع (تويتر) .
جريدة (jordan times) نشرت اليوم اعداد الطلبة الذين تم قبولهم في الجامعات الحكومية !!
لاحظوا الحكومية بس ، الخاصه مامعهم ..
العدد ..
العدد ...
هو صراحة شوية وفشلة اقولها ، معقولة الجامعات الحكومية بجلالة قدرها قدرت تستوعب بس 780و30
امم بتقولولي الاردنين عباقرة وشطار .. اقولكم الخبر يقول ان المنافسه على المقاعد في الجامعات الحكومية تبدأ من 65% !
يعني باقي لهم بالضبط 220 طالب وطالبه عشان يوصلوا 000و40 الف
واكيد هذا العدد بيقلب المواجع في نفوسكم يالعمانيين ...
000و40 اعداد مخرجات الثانوية عندنا ، الي لا الجامعه ولا الجامعات الخاصة ولا الكليات تقدر تستوعب ربعهم .
يعني الاردن ما لها اي موارد طبيعيه ولا مصادر دخل ثابته ، وتقدر جامعات حكومية تقدر تستوعب هالعدد
احنا الي عندنا الخير ايش مشكلتنا بالضبط ما اعرف !!!

يمكن اولوياتنا لأشياء اخرى اهم من التعليم ، بس التنمية البشرية لا تعبر وحيا من السماء يسقط على الرؤوس ، فهي لا تتأتى الا بالتعليم وحده ....

وهذا رابط الخبر من الجريدة http://www.jordantimes.com/?news=19806