الأربعاء، 22 يوليو، 2009

اهي اهي انا تهزأت يا جماعة







وصلتني الصورة الأولى يتاريخ 20 -7-2009



والصورة الثانيه وصلت بتاريخ 21-7-2009



اما الصورة الثالثه وهي الطامة الكبرى فقد وصلت اليوم وانا اكتب موضوع يوم النهضة المجيد .






انا تهزأت يا جماعه



وكنت كاتمه في نفسي ومضايقه لما شفت الصورة الاولى من كم يوم ، وقلت عتب متابعه وفيةّ شغوفه ولازم اتحمله . بس الي قاهرني ان كل هذا عشان " توأم الروح " . يعني الاخت الكريمة \ كاملة الأوصاف ترسلي كل يوم صورة لنعالها وتعليق مرة تقول : للصبر حدود ، ومرة تقول وين مغامراتك مع توأم الروح ، كل يوم افتح وما الاقي شي عنها خذي هذي " النعال " . وقبل شويه انصدم تقول ليش كاتبه تهنئة مملة بمناسبه 23 يوليو وماحاطه فيها توأم الروح تحليها ، هذي كل نعلاني صفيتها عالدرج وتستاهلي الضرب بكل فردة فيهم .






يعني انا مالي داعي ، مسقطيه الهوى خلاص محد يحبها ، كل احد يريد توأم الروح واذا حطيت موضوع بدونها انرمي بالجزم .



ياشماته توأم الروح فيّه ، من باب الشفافيه والصدق مع المتابعين حطيت هالصور وتعليقات كاملة الاوصاف ولو احد غيري كان ستر على نفسه وما كأنه شي صار ولا كان . بس لأنها متابعه شغوفة وشرسه بنفس الوقت ، والاهم لأن استبدادها وقمعها يذكرني بتوأم الروح ، ريحة الغاليين ، مضطرة غصب عن خشمي احطه عراسي .






مايصير خاطرك الا طيب ياكاملة الاوصاف .



باي ذاواي نعلانك حلوووة وذوقها ينم عن رقه دفينة .









تفاصيل الصور :



اهي اهي التقاطي مسقطيه الهوى