الثلاثاء، 3 يوليو، 2012

خارطة الطريق

طبعا ً انا بعيدة عن عمان وما صايرة اكتب مثل اول ايام الزمانات ، هيه يوم كنا نكتب بقلب قوي وشايلين هم البلد ونستحرق اذا شي صار .
بس خلاص البلد باغي يريحنا ما باغي حد يستهم فيه ،مسامح من ذي الخرابيط الي نكتبها وما باغي شي منا . وانا تقريبا قررت أطنش كل الي يستوي والي بيستوي .
ما تسوى علي أخسر حريتي واتبهدل عشان كلمة في ( العنترنت ) على قولة بنت محمد - الله يذكرها بالخير -
بعيدا عن كل هذا ،، انا حاسة نفسي بجزيرة ، منقطعة عن العالم ومشتاقه عمان وحياتي . بس يالله فترة وتعدي .
اكتشفت ان الغربة مثل الفلوس تغير النفوس .
وفي عز كل هالكئابة الي اعيشها حاليا ، تقوم كركية دون قصد بإدخال السعادة الى نفسي . اليوم مثلا الأخت حاطه في البلاك بيري عبارة : ( خارطة الطريق )
قلت لها : انتي هين ؟!
كركية : سايرة اشتري ويل * ( دشداشة ولحاف او ما يسمى باللندني احيانا ) بس لان إحنا متوحشين وفينا غلظة نسميه : الويل

وهذي صورة خارطة الطريق الي حطتها كركية وكاتبة تحتها :
أموت انا في خارطة الطريق ❤




- Posted using BlogPress from my iPad